كوروناۆيرۋس ىندەتىنىڭ ەكىنشى كەزەڭىنە دايىندىق جونىندە كەڭەستە مەملەكەت باسشىسى اۋەجايلار مەن تەمىر جولداردا قاتاڭ ەپيدەميولوگيالىق باقىلاۋ ەنگىزۋ كەرەك ەكەنىن ايتتى, دەپ حابارلايدى Egemen.kz.
"باسقا مەملەكەتتەردە ەپيدەميولوگيالىق احۋالدىڭ كۇردەلەنۋىنە بايلانىستى مەملەكەتتىك شەكاراداعى وتكىزۋ بەكەتتەرىندە باقىلاۋدى كۇشەيتۋ كەرەك. 2020 جىلدىڭ 5 قازانىنداعى جاعداي بويىنشا, رەسەيدە كوروناۆيرۋس جۇقتىرۋدىڭ 12 608 ء(وسىم شامامەن 1 پايىز), وزبەكستاندا 374 ء(وسىم 0,5 پايىز), قىرعىزستاندا 244 جاعداي ء(وسىم 0,5) تىركەلدى", دەدى قاسىم-جومارت توقاەۆ.
ەل پرەزيدەنتى اۋەجايلار مەن تەمىرجول ۆوكزالدارىندا ەپيدەميولوگيالىق باقىلاۋدىڭ قاتاڭ رەجيمىن قالپىنا كەلتىرۋ, "قىزىل اۋماقتان" كەلەتىن ادامداردى جەدەل تەستىلەۋدى جولعا قويۋ قاجەت ەكەنىن باسا ايتتى.
"ۇكىمەت شەت ەلدەرمەن, اسىرەسە جاعداي كۇردەلەنىپ تۇرعان مەملەكەتتەرمەن جول قاتىناسىن بارىنشا وڭتايلاندىرۋ كەرەك", دەدى ول.
سونىمەن قاتار پرەزيدەنت كوروناۆيرۋستىڭ ەكىنشى تولقىنىنا دايىندىق بويىنشا 6 ماسەلەگە توقتالدى.